ود الجقود
مشرف
عدد المساهمات : 11
نقاط : 31
تاريخ التسجيل : 05/07/2012
العمر : 35
 |  موضوع: شعر الدوبيت  الأربعاء يوليو 11, 2012 3:17 pm | |
|
شعر الدوبيت هو الشعر الشعبي في السودان ولقد اردت ان اسلط الضوء علي هذا النوع من الشعر لما فيه من بلاغه و فصاحه شعريه.
بطال البعيش في الدنيا اصلوا غناه
إن كان ماله راح غير اهله مين يدناه
سمح الفوق اساس ابواتوا تم بناه
والزول دون قبيله غناه شن معناه
مابنفرح بمال ونقول كفانا ورثنا
نفخر بالرجال في الحاره يبقوا ترسنا
الموت ماشمت غايه البخود والببروا
والحد و الحزن ما جابوا زول من قبروا
الزول في الشدايد اولي يلزم صبروا
يترجي الكريم مولاه كسره يجبروا
بنخاتر منو الوجعه هيلنا برانا
نحن اهل المصاب و الناس عزا مجابرانا
في اخر المراح دايما تجي الفترانا
هاده الحد ندوس و الناس عقب تبرانا
إن مال الشجر مابكسرن فراعو
وقمحان الطلب لي مابجيبه ضراعو
ليه ياهلنا البيناتنا ما بتراعو
القال راسوا موجعو تربطولو كراعو
الزول في الرقاد شقو البريحو بخبرو
والزول البليد بي إيدو يحفر قبرو
سوي الدايره وكتر الكلام خليهو
والشر القصدتو معاي ابقي عليهو
طير اصل السما حتي القمر دليهو
يوم نتلاقه كل واحد بعرف الليهو
| |
|
متوكل هاشم عثمان
مشرف عام
عدد المساهمات : 63
نقاط : 189
تاريخ التسجيل : 03/07/2012
الموقع : البجراوية
| | موضوع: رد: شعر الدوبيت الجمعة يوليو 13, 2012 9:05 am | |
| بلاشك الدوبيت هو فن جميل وعريق انتشر منذ زمن بعيد وكلمة دوبيت هي كلمه فارسية الاصل حيث انتشر هذا الفن هناك او جاء من هناك وتعني كلمة دوبيت (دو) : وتعني اثنين وتعني كلمة تو بالانجليزيه الا انها تغيرت للفارسيه وبيت تعني بيت من الشعر.
| |
|
